Qendra Shqiptare për Kërkime Ekonomike (ACER), e kontraktuar nga Fondi Shqiptar i Zhvillimit (ADF)
realizoi një anketë turistike në 9 zona ku po implementohet Projekti për Zhvillimin e Integruar Urban dhe Turistik (PIUTD), si dhe katër diskutime në grupe fokale në 4 qendra urbane të paracaktuara brenda kuadrit të projektit, në bashkëpunim me Njësitë e Pushtetit Lokal përkatëse.

Anketa bazohet në pyetësorin e anketës bazë të vitit 2016 dhe studimin e vitit 2018. Këtë vit,
anketa u realizua nga 1 deri më 15 gusht në 4 zona urbane: Sarandë, Berat, Përmet dhe
Gjirokastër, së bashku me zonat turistike: Syri i Kaltër, Porto Palermo, Zvernec, Orik dhe Benja, ashtu si në anketën e vitit 2018. Gjatë këtij periudhe, ACER ka realizuar 2 anketa, në vitin 2018 dhe më së fundi në vitin 2019
Për të ruajtur krahasueshmërinë e të dhënave, u përdor e njëjta metodologji dhe të njëjtat instrumente anketime (shihni Shtojcën 1). Qëllimi i kësaj ankete është të ofrojë informacion të besueshëm nga perceptimet e turistëve mbi produktet ekzistuese turistike në qendrat urbane ku po implementohet PITUD.

Shiko raportet e plota

Anglisht Summary of Tourist Survey, Focus Group Findings and Tourist Counting_ENG

Shqip:  Permbledhja e Gjetjeve Krysore te Vrojtimeve te Turisteve

Ky projekt eshte mbeshtetur nga Albanian Development Fund.