EPPA 2004 tregon se, që nga përfundimi i raportit të mëparshëm të EPPA në shtator 2003, Shqipëria ka bërë përparim në zbatimin e politikave më të mira për sektorin e SME-ve. Por, pamja e përgjithshme është ajo e një përparimi të ngadaltë dhe të margjinalizuar në pesë nga shtatë dimensionet e politikave të mbuluara nga raporti i EPPA. Hapa të mirë fillestarë janë ndërmarrë për shumë çështje politike, megjithatë, do të nevojitet një proces i qëndrueshëm dhe i vazhdueshëm për të arritur një ndryshim të matshëm dhe të qëndrueshëm.

Duke parë dimensionet e veçanta të politikave, vlerësimi tregon se kuadri institucional për zhvillimin e SME-ve është zhvilluar dhe forcuar, por ende është e nevojshme punë e mëtejshme. Duket se tashmë janë vendosur elementët më të rëndësishëm, sa i përket institucioneve, politikave dhe strategjive. Megjithatë, Departamenti për Promovimin e Biznesit i Ministrisë së Ekonomisë dhe Agjencia e SME-ve do të kenë nevojë të punojnë për të rritur ndërgjegjësimin e sipërmarrësve për aktivitetet e tyre dhe për të siguruar që SME-të të kenë qasje në informacion dhe të jenë në gjendje të kontribuojnë në procesin e krijimit të politikave.

OECD

Shënim: ACER ka qenë një nga referencat për këtë raport.